Архитектура - Конкурси

ОГЛАС ЗА КОНКУРС ЗА ИЗБОР НА ИДЕЈНО РЕШЕНИЕ


Број на оглас:  1/2010

ДЕЛ I:  ДОГОВОРЕН ОРГАН

I.1) Податоци за договорниот орган
I.1.1) Назив на договорниот орган: Министерство за култура
I.1.2) Адреса: Ѓуро Ѓаковиќ 61
I.1.3) Град и поштенски код: Скопје 1000
I.1.4) Интернет адреса: www.kultura.gov.mk
I.1.5) Лице за контакт: Бранко Костовски    Адреса на е-пошта: Оваа е-пошта е заштитена од spambots, треба да вклучите JavaScript за да ја видите     Телефон/Факс: 023240535/02 3226 920
I.1.6) Дополнителни информации и тендерската документација може да се добијат:
На горната адреса
I.2) Категорија на договорен орган, негова главна активност или дејност:
Државни органи-Спорт и култура

ДЕЛ II:  ПРЕДМЕТ НА КОНКУРСОТ ЗА ИЗБОР НА ИДЕЈНО РЕШЕНИЕ

II.1) Предмет на конкурсот:
Избор на идејно ликовно решение за централен витраж во објектот „Музеј на македонската борба, Музеј на ВМРО и Музеј на жртвите од комунизмот“
II.2) Дали постапката ќе ја спроведе Централно тело: Не
II.3) Дали конкурсот ќе се реализира од група на договорни органи: Не
II.4) Референтна номенклатура (ОПЈН)
II.5) Подетален опис на конкурсот:
Општи технички критериуми 1. Основа на целокупната композиција на витражот М= 1:20 или М =1:25 2. Огледална проекција на композицијата на витражот М =1:20 или М =1:25 3. Вертикални пресеци на композицијата на витражот М =1:20 или М =1:25 4. Изгледи на композицијата на витражот М =1:20 или М =1:25 5. Детал на сверен сегмент 1/8 или 1/16 од целокупната композиција на витражот М=1:10 или М =1:15 6. Детал на основен и битен сегмент од композицијата на витражот М =1:5 7. Просторен приказ во 3д на целокупната композиција на витражот 8. Техничко образложение на идејата 9. Текстуално образложение за идејата на ликовното решение Посебни технички критериуми 1. Да се изработи макета на розетната која ќе го затвара централниот дел на витражот со која ќе се долови изборот на материјалот, обработката и бојата на истиот М=1:1 2. Авторот треба да приложи изработен карактериситчен детал од основниот сегмент од композицијата на витражот во кој ќе бидат застапени сегмент од основната идеа, квалитетот на стаклото, квалитетот на боите и квалитетот на изработката и тоа од 0,25 м² до 0,50 м² (со деталот ќе се процени дали идејата може автентично да се реализира, а да не загуби во квалитет на композиција, бои, дисперзија на светлото и сл.).

ДЕЛ III:  ПРАВНИ, ЕКОНОМСКИ, ФИНАНСИСКИ И ТЕХНИЧКИ ИНФОРМАЦИИ

III.1) Конкурсот за избор на идејно решение е дел од постапка за доделување на договор за јавна набавка на услуги: Да
Ако е ДА се наведуваат минималните услови за утврдување на способност:
1. изјава на понудувачот дека во последните 5 години не му била изречена правосилна пресуда за учество во злосторничка организација, корупција, измама или перење пари;
2. потврда дека не е отворена постапка за стечај од надлежен орган;
3. потврда дека не е отворена постапка за ликвидација од надлежен орган;
4. потврда за платени даноци, придонеси и други јавни давачки од надлежен орган од земјата каде економскиот оператор е регистриран, и
5. уверение дека со правосилна пресуда не му е изречена прекршочна санкција - забрана за вршење на професија, дејност или должност, односно привремена забрана за вршење одделна дејност.
(За физичко лице не треба да се доставуваат документите од точките 2 и 3)
III.2)  Од учесниците на конкурсот се бара посебна стручна квалификација: Да
Aко е ДА, да се наведе која:
Конкурсот е јавен и анонимен. Право на учество на овој конкурс имаат домашни и странски правни лица регистрирани за вршење дејност предмет на овој конкурс и домашни и странски физички лица диплoмирани инженери архитекти или дипломирани ликовни уметници. Распис на конкурсот. Проектна програма во текстуален дел. Секој од учесниците кој подигнал потребна документација има право да учествува со по еден труд. Оценувањето на трудовите ќе го врши жири комисија избрана од договорниот орган.Членовите на жири комисијата немаат право на учество на конкурсот. По завршување со работата со жири комисијата ќе се организира изложба на конкурсните трудови. За одржување на изложбата учесниците на конкурсот ќе бидат благовремено известени. Трудовите кои нема да бидат наградени и откупени ќе се вратат на учесниците на конкурсот по завршување на изложбата. Заради потполна анонимност на конкурсниот труд потребно е трудовите да бидат доставени во затвотен плик со назнака: за Јавна набавка Конкурс бр.01/2010 г.- со шифра (максимум 5 букви или броеви) и текстот: „НЕ ОТВАРАЈ“.Податоците за авторот треба посебно да се наведат во посебен затворен плик приложен во трудот со назнака: "АВТОР" и назначен со истата шифра. Во друг плик со назнака: "АДРЕСА ЗА ВРАЌАЊЕ НА ТРУДОТ" и назначен со истата шифра треба да се назначи адресата на која треба да се врати ненаградениот труд. Пријавените кандидати треба да дадат согласност за откиравње на идентитетот по отварањето на конкурсните трудови.
III.3)  Целосни и детални информации за критериумите што ќе се применуваат за избор на најдобро рангираниот план/планови или проект/проекти:
Општи критериуми

1. Целосна застапеност на програмските содржини
2. Техничка опременост на конкурсниот труд
3. Ликовна структуралност како одговор на содржините и барањата на распишувачот
4. Идејно решение кое соодвестува на деловите утврдени со Проектната програма
5. Примена на современ ликовен израз кој произлегува од влијанијата на нашата традиција и изворност
6. Постигнатиот квалитет да е во рамнотежа со околниот амбиент
7. Видот, карактеристиките и својствата на применетите материјали и нивната временска трајност
8. Изводливост на решението
9. Статичка и сеизмичка стабилност

Посебни критериуми

1. Секундарната и терцијалната подконструкција во која ќе бидат уоквирени елементите (основни) од витражот треба да обезбедат статичка, сеизмичка стабилност на витражот од статички и динамички сили (тежини од сопствен терет на конструкцијата и сили кои би се појавиле во случај на вертикални и хоризонтални земјотреси).
2. Материјалите кои ќе се предвидуваат за изработка на витражот (стаклото, металните елементи, оловните и сл.) да бидат оригинални за таа намена, да имаат постојани хемиски и физички особини (постојна и стабилна структура на материјалот која ќе гарантира безбедност, постојаност на боите применети за боење на стаклото и отпорност на хемиски средства кои би се применувале за одржување на хигиена на истиот).
3. Понуденото техничко решение треба да биде направено така да биде како композиција изведливо во форма на дел од топка. Така да најмалите (основни) форми на сегменти треба да ја пратат сферната форма на витражот.
4. Поради интезивното осветлување со вештачко светло на просторот помеѓу витражот и арм. бет. купола и големиот број на светлечки тела во кои има голем број на сијалици, пригушници и стартери кои би продуцирале високи температури материјалите предвидени за витражот да бидат отпорни на истите.
5. Изборот на видот на стаклото, а посебно изборот на колоритот на стаклените елементи треба да обезбедат хармонична, дисперзирана колоритна лепеза која најреално ќе ја изрази идејата на ликовното решение на витражот.
6. Ликовното решение за витражот треба да биде во рамнотежа (геометриска, колоритна и композициска) со амбиент во галерискиот и холскиот дел од објектот (подовите, оградите, скалите, лустерот, зидните ламби, радијално поставените кружни столбови со капители, влезните портали и двокрилните врати кои водат во музејските поставки).
7. Техничкото решение да биде реално изводливо и економично во рамките на таков вид работи.
8. Во центарот на витражот да се остави отвор со големина Ø80 до Ø100 мм за протнување на ланец (сајла) за висечкиот лустер.
Истиот отвор треба да се маскира (затвори) од долната страна со розетна со големина од Ø120 до Ø180 мм. Изработката, дизајнот, материјалите, обработката, начинот и видот на боење на розетната како и начинот за прицврстување за витражот да биде слободен избор на авторот.

ДЕЛ IV:  АДМИНИСТРАТИВНИ ИНФОРМАЦИИ

IV.1) Услови за доставување на планот/плановите или проектот/проектите
IV.1.1) Плановите или проектите да се достават најдоцна до:
06.08.2010 во 12.00 часот. Место: Скопје
IV.1.2) Доделување на наградa/награди: Да
Ако е ДА, да се наведе која/кои:
Вкупниот фонд на награди е со нето износ од 120.000,00 денари и тоа: - Прва награда:..........................60.000,00 денари - Втора награда:.......................40.000,00 денари - Трета награда:........................20.000,00 денари
IV.2) Имиња на членови на жири комисија:
IV.3) Дополнителни информации:
Трудивите кои нема да ги содржат сите елементи опишани во овој конкурс, односно се некомплетни и ненавремено доставени нема да бидат предмет на разгледување на жири комисијата. Жири комисијата ќе го изврши оценувањето и ќе ги објави резултатите од конкурсот во рок од 30 дена од денот на завршување на конкурсот. Министерството за култура ќе го откупи трудот кој ќе ги задоволи пропозициите на конкурсот во целост и ќе склучи авторски договор за откуп на правата на делото, односно за пренос на авторските права неопходни за натамошно користење на делото за целта на овој конкурс
IV.4) Датум на објава: 01-07-2010

---

< Пред		Следно >